Premio ao cidadán Europeo/a

                                              Queres apuntarte ?

Cada ano, o Parlamento Europeo lanza o Premio do Cidadán Europeo para premiar logros excepcionais nos seguintes ámbitos:
-Actividades que promovan unha mellor comprensión e integración mutuas entre os cidadáns dos Estados membros ou que faciliten a cooperación transfronteiriza ou transnacional dentro da Unión Europea.
-Actividades de cooperación cultural transfronteiriza ou transnacional a longo prazo que contribúan a reforzar o espírito europeo.
-Proxectos vinculados ao actual Ano Europeo.
-Actividades que dean expresión concreta aos valores recollidos na Carta dos Dereitos Fundamentais da Unión Europea.

Poderán optar ao premio os cidadáns que sexan nacionais dun Estado membro da UE ou nacionais de terceiros países que residan legalmente no territorio da Unión na data de presentación da súa candidatura ou solicitude.

Os cidadáns, colectivos cidadáns, asociacións ou organizacións poden solicitar o Premio Cidadán Europeo polos proxectos que realizaron, ou ben poden designar outro cidadán, grupo, asociación ou organización para o Premio Cidadán Europeo.

Os deputados ao Parlamento Europeo teñen dereito a presentar candidaturas, unha por deputado cada ano.

As solicitudes pódense enviar antes do 31 de marzo de 2023 (23:59, hora de Buxelas).

Máis información: https://www.europarl.europa.eu/at-your-service/en/be-heard/prizes